Diogo Brito escollido MVP Estrella Galicia do mes de outubro

Os afeccionados cobistas escolleron a Diogo Brito como MVP Estrella Galicia do mes de outubro tras unhas actuación fantásticas neste inicio ligueiro.

O Conde da Povoa do Varzim arrancou a competición imparable, sendo unha das referencias tanto en ataque como en defensa e ocupando o segundo lugar como máximo asistente da liga. Estas actuacións valéronlle, tamén, o MVP da xornada 4 da Primeira FEB.

Diogo Brito media 14,33 puntos, 5 asistencias e 5,7 rebotes en 28:21 minutos de xogo para erixirse nun dos líderes de este equipo.

O noso capitán quixo agradecer aos seus compañeiros e corpo técnico todo o traballo feito para que el poida render ao máximo nivel e, por suposto, a toda afección cobista polo apoio recibido e polos seus votos.

Noraboa Diogo polo teu MVP Estrella Galicia do mes de outubro e que seguramente non será o último.