O Club Ourense Baloncesto a pola sexta da tempada

O Club Ourense Baloncesto enfrontarase a Amics Castelló no partido correspondente á xornada 7 da Primeira FEB mañá venres ás 20:45.

Os de Moncho López, tras unha intensa semana de adestramentos, buscarán traer de volta a sexta vitoria da tempada para seguir enganchados á parte alta da clasificación.

O equipo quere confirmar as boas sensacións do último encontro disputado, onde recuperaron a súa identidade grazas a intensidade defensiva e transicións rápidas en ataque.

Diante terán a un Amics Castelló que vén de gañar nunha das canchas máis difíciles da competición como é O Plantío, ante CB Tizona Burgos, e chegan ao partido coa confianza polas nubes tras un bo inicio de tempada, polo que non llo poñerán nada fácil ao equipo ourensán.

O Club Ourense Baloncesto viaxa con tódolos efectivos excepto a , xa coñecida, baixa de Samu Rodríguez que segue a recuperarse da súa lesión.

Podes ver a rolda de prensa completa de Moncho López a continuación.