Marvin Ogunsipe novo xogador do Aircargobooking Ourense

O Aircargobooking Ourense continúa reforzándose para a tempada actual e anuncia a incorporación do xogador austríaco Marvin Ogunsipe.
O pivote, de 27 anos e 2,06 metros de altura, chega procedente do HLA Alicante, onde destacou pola súa capacidade atlética e o seu gran rendemento baixo os aros.
Marvin Ogunsipe xogou en equipos como o Bayern de Munich, Hamburg Towers e ten experiencia na competición tras xogar con CB Almansa, ICG Força Lleida e HLA Alicante.
O pivote media esta tempada 6 puntos, 3,5 rebotes e 7,7 de valoración en 14 minutos de xogo.
Con esta fichaxe, o Aircargobooking Ourense demostra a súa aposta por un proxecto competitivo e ambicioso e o seu compromiso por seguir medrando e acadar os obxectivos marcados.
BENVIDO MARVIN
#ForzaCOB